Och dëst Joer fiert d'AELK erëm a Skivakanz!
Mir wäerte vun Donneschdes den 9. Januar bis Sonndes den 12. op Gaschrun an Skigebiet Silvretta Montafon fueren. Dëst zielt eng 140 Pistenkilometer.
Mellt iech w.e.g. sou séier wei méiglech un.
Ob eng Top Vakanz!
Den 21. Juni ass et erëm sou wäit, d'Vëlosheemrees steet um Programm.
Mat gudden +230km vun Karlsruhe ob Lëtzebuerg, ass et fir eis Profisportler een Klacks dat ganzt dann och emol mam Vëlo ze maachen.
Dobäi ginn Suen fir een gudden Zweck gespent. ALAN engagéiert sech fir Leit, déi vun enger seltener Krankheet betraff sinn.
Start ass um 5 Auer Moies, nodeems mir eis géint 4 schonns ob een Teller Nuddelen getraff hunn fir déi néideg Kuelenhydrater ze tanken.
D'Arrivée ass dann um 17.00 an der Staat. (Paul Wurth InCub: 5, rue de l'Industrie, L-1811 Luxembourg )
Fir all weider Informatiounen kennt dir och um Site vun der Vëlosheemrees nokucken:
Vill Spaass beim Training an sicht iech méiglechst vill Sponsoren, dass mer eng flott Somme fir een gudden Zweck spenden kennen!
Och dëst Joer war d'AELK erëm zu Kaiserslautern um Volleyball Tournoi. Mir si mat 4 Equippen ugetrueden an och en puer Supporter si matkomm. Eng sensationell Equippe vun eis huet et bis an 8tels Final gepackt. Uschléissend hu mer den Owend bei Gegrilltem an engem Béier gemittlech ausklénke gelooss.
Wéi all Joer, huet och dëst Joer d'AELK iwwert Päischten en flotte Stättentripp gemeet. Dëst Joer war Hamburg, eng Hafenstad an Däitschland, eist Ziel. Dagsiwwer stounge kulturell Visitten, wéi z.B. eng Velostour duerch Hamburg esou wéi eng Elbphilharmonieféierung um Programm. Owes gouf Hamburger Nuetsliewen opgemëscht.
Päischtméinden si mir erëm all gutt zu Karlsruhe ukomm. E grousse Merci un d'Memberen déi mat waren a Clubrees sou angenehm a flott gestallt hunn.
Och dëst Joer sinn eng Rei AELK Membere, déi 8.88889km vun der Karlsruher Badischen Meile matgelaf.
Jiddereen ass gutt am Ziel ukomm a mir gratuléieren hinne fir hir Leeschtung!
D'AELK huet gewielt, dee neie Comité fir d'Joer 2019 steet fest:
Mir freeën eis ob d'Aktivitéiten vum Joer 2019!
E Freideg, den 12. Oktober 2018 huet d’ AELK, de Cercle vun de Lëtzebuerger Studenten zu Karlsruhe, en Don vun 3700€ un Trauerwee asbl iwwerreecht. Des Zomm gouf am Kader vun der traditioneller jäerlecher Vëlosheemrees gesammelt.
De 6. Juli 2018 haten sech 12 Studenten op den 230km laange Wee vu Karlsruhe op Lëtzebuerg gemaach an duerch Parrainagen an Done Sue fir de gudden Zweck gesammelt. Weider Informatiounen iwwer d'Vëlosheemrees fannt der ënnert: velo.aelk.lu
D’Trauerwee asbl (www.trauerwee.lu) huet et sech zum Ziel gesat Kanner a Jugendlecher, déi an Trauer em eng hinnen nogestanener verstuerwener Persoun sinn, ze begleeden. Si hëllefen hinne bei der Bewältegung vum Verloscht an der dozougehéiereger Traueraarbecht. Virun allem sollen déi Betraffen, duerch de Kontakt mat Leit an ähnleche Situatiounen, d’ Gefill gewise kréien net eleng mat hirem Schicksal ze sinn. Si kréien doduercher d’ Méiglechkeet en Deel vun hirem Trauerwee zesummen ze goen.
E grousse Merci nach eemol un eis Coureuren, awer och un jiddereen deen eis mat engem Don oder Parrainage ënnerstëtzt huet! Mir freeën eis schonns op d’nächst Joer.