Student fir 1 Dag 2022

16 Feb, 2022

Du bass interesséiert zu Karlsruhe ze studéieren a wëlls dech virdru méi genee informéiere wéi d'Uni an d'Studenteliewen hei leeft? Dann ass de Student fir 1 Dag déi perfekt Geleeënheet!

Den 4. Abrëll kanns du en Dag laang d'Uni an Stad Karlsruhe kucke kommen. Dobäi kanns du dech mat de lëtzebuergesche Studenten iwwer d'Studium ënnerhalen an deng Froe stellen!

De genauen Programm an d'Umeldung fënns du hei: https://sf1d.acel.lu/lb/destinations

Facebook-Event :  https://fb.me/e/34asJdSFl

Bei Froen kanns du eis gären iwwert contact@aelk.lu kontaktéieren.

Ski - Vakanz 2022

05 Jan, 2022

Och dëst Joer geet d'AELK rem vum 13. - 16. Januar Ski fueren. 

Des kéier geet et op Gaschurn wou mir och schoun 2019 an 2020 waren. Den Dag iwwert gëtt vum Schnéi an den (hoffentlech gudde Wierder) profitéiert an Owes beim Après-Ski maache mir t'Hütt onsécher

.

Wäin & Kéis Owend

11 Dec, 2021

Samsdes, den 11.12 as et rem sou wait, eisen legendären Wäin an Kéisowend steet um Programm. 

Dësen ass dest Joer an der Rudolfstrasse 5. Am Nodelvéirel vu KA kritt een nëmmen d'Dier opgemaach wann een an tenue correcte schellt.

Wichteg: Jiddereen soll säin eegent Wäinglaass matbréngen!!

All d'Infos fannt dir an der Umeldung. Maacht iech bäi, Platze si begrenzt.

Badische Meile

21 Nov, 2021

Donneschdes, den 25. November 2021, war et endlech nees esou wéit: 

Well et nach puer Méint dauert bis d'Karlsruher Lafcourse „Badische-Meile“ erëm stattfënnt, starte mir deen Owend op eiser eegener Badischen-Meile, déi bësse manner mat Lafen ze dinn huet: Mir organiséieren fir eis Memberen a Frënn aus aanere Cerclen e spannende Rallye duerch d’Karlsruhe-Caféen. Freet iech op kniwweleg witzeg Froen an Aufgaben, a sammelt fläisseg Punkten!

Fotoe vum Owend fannt dir ënnert: https://aelk.lu/photoen/album/170

Ersti-Treff

06 Oct, 2021

Gläich geet d´Wantersemester 2021/2022 un!

No engem Joer Paus kenne mir rëm wéi gewinnt an Wantersemester erafeieren. Dëst Joer gi mir dofir awer an Brauhaus Kühler Krug (Wilhelm-Baur-Straße 3a, 76135 Karlsruhe) an der Weststadt.

Wéini: Mëttwoch 20. Oktober 2021 ab 18h30

Jiddereen ass hei häerzlech Wëllkomm.

D'AELK freet sech ob dat neit Semester an vill nei Memberen!

WICHTEG: Jiddereen deen do ass, muss kennen noweisen dat hien/hat geimpft, genesen oder getest ass. Mir wäerte keng Schnelltester sur Place maachen. 

Scheckiwwerreechung un SOS Kannerduerf

27 Sep, 2021

De Studentebal 2021

24 Sep, 2021

D'AELK war natielech och bei der 20. Editioun vum Studentebal vertrueden. Hei nach eng kéier ee grousse Merci un ALUS an un de SLUF fir dei top Zesummenarbescht un eisem Stand an och der ACEL fir déi gutt Organistioun vum Bal. 

Vëlosheemrees 2021

05 Jul, 2021

Den 2. Juli war et erëm sou wäit, d'Vëlosheemrees stoung um Programm.

Mat gudden +230km vun Karlsruhe ob Lëtzebuerg, ass et fir eis Profisportler een Klacks dat ganzt dann och emol mam Vëlo ze maachen. Mee et waren awer och Vëlosprofien zu Oochen, an zu Lëtzebuerg um Start fir eis Coureuren virtuell z'ennerstëtzen.

Dobäi ginn Suen fir een gudden Zweck gespent. SOS Kannerduerf engagéiert sech fir benodeelegte Kanner alles fir eng gesond Entwecklung kennen ze bidden.

Start ass um 5 Auer Moies, nodeems mir eis géint 4 schonns ob een Teller Nuddelen getraff hunn fir déi néideg Kuelenhydrater ze tanken. An d'Arrivée ass dann um 17.00 an der Staat. (Paul Wurth InCub: 5, rue de l'Industrie, L-1811 Luxembourg )

Comité 2021

20 Jan, 2021

Den 19. Januar huet d'AELK gewielt an de Comité fir Joer 2021 steet fest

• President: Eric Melkert
• Sekretär: Michel Franck
• Tresorier: Pit Feltes
• Sportsdelegéierten: Elvir Kamberi
• Kulturdelegéierten: Paul Wiesen
• ACEL/ANEIL-Delegéierten - Webmaster: Michel Max

Mir freeën eis ob d'Aktivitéiten vum Joer 2021!

Kaiserslautern 2019

13 Jun, 2019

Och dëst Joer war d'AELK erëm zu Kaiserslautern um Volleyball Tournoi. Mir si mat 4 Equippen ugetrueden an och en puer Supporter si matkomm. Eng sensationell Equippe vun eis huet et bis an 8tels Final gepackt. Uschléissend hu mer den Owend bei Gegrilltem an engem Béier gemittlech ausklénke gelooss.