Umeldung

Virnumm*

Nonumm*

Kommentar

Umellen

Assemblée Générale 2025

Datum:	06 Feb, 2025

Léif Membere vun der AELK,

Mir invitéieren Iech heimat häerzlech wëllkomm op d'Generalversammlung vun der AELK 2025.

D'Assemblée Générale (AG) ass Donneschdes, den 6. Februar 2025 um 18:30.

Address:

Corps Saxonia

81, Werderstraße 73167 Karlsruhe

No der AG selwer geet dann nach weider op den vum Comité organiséierten Fraibéier, un dem der allerdéngs och just deelhuele kennt, wann der op der AG wart.

Am Kader vun der AG kritt der eng nei Memberskaart, iwwerweist dofir w.e.g. (gaëren och schon virun der AG) 15 Euro op de Konto (IBAN LU08 0030 0861 5351 0000) mam Betreff: Memberskaart Numm Virnumm oder scheckt e Digi (Payconiq) 15 Euro op d’Nummer +352 ‎621 669 026. Fir Bleu*etten ass d’Memberskaart GRATIS!

Fir all déi nei an och déi al Membere sinn hei e puer Erklärungen zur Generalversammlung. D'Zil vun der AG ass et, dat och dier als Member d’Méiglechkeet hutt mat iwwert d’Joer 2025 ze bestëmmen an de Comité 2025/26 ze wielen. Dofir ass et immens wichteg, dass souvill Membere wéi méiglech vertruede si fir dat d’Decisiounen op der AG och de Wëlle vun dem ganze Veräin widerspiegelen. Ausserdeem passéiere mir Revue iwwer d’Joer 2024 a weisen iech wou eis Suen hifléissen an hierkommen.

Falls et iech ënner kengen Ëmstänn sollt méiglech sinn dobäi ze sinn, besteet och Méiglechkeet engem anere Member vun der AELK eng Procuratioun ze erdeelen, déi des Persoun berechtegt an ärem Numm ze wielen. Eng Virlag fannt dir an der Annexe vun der E-Mail, déi zaitglaich mat der Veröffentlegung vun dëser Umellung rausgeschéckt gouf.

Den Ordre du Jour vun der AG ass de folgenden:

• Begréissung duerch de President
• Unhuele vum « Ordre du Jour »
• Aktivitéitsrapport vum Joer 2024
• Virstelle vun eiser Social Media Präsenz
• Bilan vum Tresorier
• Kommentar zum Bilan vun de Keeserevisiounen
• Ernennung vun neie Keeserevisore fir 2025
• Virstelle vun der ACEL an der ANEIL
• Erklärung vum Walsystem
• Schlusswuert vum aktuelle President
• Tribune libre
• Demissioun vum Comité
• Wal
• Bestëmmung vun engem Walbüro
• Opstelle vun de Comitéskandidaten
• Wal vum neie Comité
• Schlusswuert vum neie President

Reminder:

Wann nach motivéiert Leit sech aktiv am Comité wëlle bewerben, kann een seng Kandidatur bis virun der AG op contact@aelk.lu oder per privater Noriicht via Messenger oder Instagram stellen. Et wäert eng Wal (De Walsystem gëtt op der AG erkläert) stattfannen an et mécht eis méi einfach, wann mer wëssen wéi vill Leit sech bewerben.

Spontan Kandidaturen während der AG selwer sinn natierlech och méiglech.

Mir freeën eis op Iech!