Umeldung

Velosheemrees 2018

Den 6. Juli ass et erëm sou wäit, d'Vëlosheemrees steet um Programm.

Mat gudden +/-230 km vu Karlsruhe ob Lëtzebuerg, ass et fir eis Profisportler ee Klacks de wäite Wee dann och emol mam Vëlo ze maachen. Mee och wann der iech et net zoutraut de Wee ganz ze fueren, zéckt net, iech unzemellen, mir ginn de ganze Wee vu Camionnette begleet an et huet ee Méiglechkeet bei Bedarf eranzeklammen an sech bëssen ze erhuelen.

Start zu Karlsruhe ass Moies um 5 Auer. Nodeems mir eis géint 4 schonns ob een Teller Nuddele getraff hunn fir déi néideg Kuelenhydrater ze tanken, geet et da lass. D'Streck ass a 5 Etappen opgedeelt an d'Arrivée ass, dann um 17.00 zu Lëtzebuerg an der Staat.

Och dëst Joer sammele mer erëm Sue fir de gudden Zweck. Dëst Joer hu mer eis dofir entscheet, fir Trauerwee A.S.B.L. mam Erléis ze ënnerstëtzen. Si hëllefe Kanner a Jugendleche mam Doud vun enger nostoender Persoun ëmzegoen.

Startgeld fir d'Coureuren sinn 15€. Dëst huele mer fir en Deel vun den Onkäschten ze decken. De Rescht fléisst mat an d'Spend.

Dir hutt nach net ganz verstanen em wat et geet oder wëllt en Don maachen? Kuckt hei: AELK VHR

Vill Spaass beim Training a sicht vill Donateure, esou dass mer vill spende kennen!!!